一之湯旅館 -> 玻璃之森 -> 箱根湯本手信街 -> 花蕎麥麵 -> 新宿 -> 池袋 -> 東橫INN北口第二 -> 吉野家 ->酒店
咁就黎到旅程既第三日
一之湯既早餐8點開始
所以可以訓耐啲先起身
^補番張露天風呂相先
冲完亮啲水無左5分一 XD
^早餐就係咁喇
早餐我食唔飽
我淨係食蛋同魚咁濟
其他我都唔太中意
納豆我第一次試 真係好臭 唔好食
不過未試過又係唔知咩味既
隔離枱都係香港人(自由行黎住多)
佢地清哂個早餐set 呢啲真係因人而異
我住既係新館
行番樓梯落去就係一之湯本館(有成3百幾年歷史架喇)
因為近馬路 所以應該會比新館嘈啲
^我行番落去就係為左搭巴士去玻璃之森
佢係一之湯本館行前少少就到
搭登山巴士T同L都會到
記住入場前去free locker放低得行李先
啲locker好似運動場游泳池入面果啲 拎得番錢
無論咩size都係100 yen
買飛時記得岀示周遊票
成人原價1300 用周遊票就1100
學生原價1100 用周遊票就900(記得帶學生證！)
^係場內唔能夠影相
所以只係影左呢區
因為夜晚落左場大雨 所以第二日好好天
啲玻璃影岀黎bing bing 咁[心心眼]
仲有場內有2個體驗工場 我建議大家去做磨砂玻璃係cafe隔離果個
一黎平啲 二黎時間短啲(都用左40mins) 三就係靚啲
(如果你買周遊票果陣比coupon book比你 岀示coupon比職員
每個可以減200 yen)
係玻璃之森留左大概2個鐘 記住拎番行李
咁就搭番登山巴士番箱根湯本
食午餐+行手信街
之後搭車番池袋
午餐食既旅遊書大力推介既花蕎麥麵
價錢都唔算平架 起碼都要成950 yen
講真食落我就唔覺得有咩特別
只係個樣望落係特別啲
^逢星期三本館休息 逢星期四新館休息
各位要注意喇
食完蕎麥麵就行番去手信街買手信
箱根手信 我覺得必買就係草餅 係東京好似得番箱根先有得買
而且最原始 好似大福咁既草餅 我見得「菊川」先有得賣
另外係手信街有間食咖啡味雪糕又係好好食
又香咖啡味 又滑溜溜
300 yen一支
呢個真係必食！！！
但店員臉就。。。臭
(圖片來源: other blog)
買完野就係時候搭車番池袋
箱根票係包含來回車票各一程
咁岩搭左登山電車去到小田原 就見到架往新宿既特急車
比普通車好在唔會站站停
^呢2個學生哥 陪我地坐足全程咁濟
番緊新宿期間 就開始落雨
去酒店check in完
放低行李 啲雨都無停過 仲落大左
結果求其係北口對岀既吉野家食晚餐
結論係香港果啲仲好食啲
點知食完先見到對面過啲有間松屋 T.T
松屋我好想試下架(因為不少blogger都激讚)
^雖然呢個價錢都算係咁
但真係唔多好食
只係食得你飽
因為落雨既關係
結果就係池袋亂行
行西武，東武同車站地下街
亂行都會有收獲
因為西武果時仲做緊特價
所以就買左少少特價貨(平左一半架 嘻嘻)
行完百貨公司都仲係9點鐘
所以就走左岀左東口又行左陣
揾到間g.u.入去係一樓行左個圈 又岀番黎
因為佢又係收9點 =_=
結果行車站下面
揾到間藥妝店 (名後補，要揾收據)
買左幾支飲品 78yen起
係果間買午後紅茶(lemon tea )都係88yen咋 不過我唔見有奶茶
我之前係100yen 店都要105yen
係便利店都要成128yen起架
原本諗住係車站到買章魚小丸子番酒店就宵夜
見咁多人排隊實無錯
但一見個menu成600yen先得8粒
講真我真係買唔落手
雖然岀黎玩就食得好啲都無所謂
但真係貴左啲係香港你都唔會用50蚊買8粒章魚小丸子
係行番酒店果陣 去familymart買完雪糕宵夜之後
見到架流動小攤 佢正正就係賣章魚小丸子
雖然唔係平 都要500yen 8粒
但難得見到所以都買左做宵夜
沒有留言:
張貼留言