東橫INN酒店 -> 新宿 -> 箱根湯本 -> 塔之澤 -> 一之湯新館 -> 甘酒茶屋 -> 元箱根港 -> 桃園台港 -> 大涌谷 -> 早雲山 -> 強羅 -> 旅館
東橫inn早餐時間為0700-0930
^早餐時間
早餐好簡單 有飯團 餐包各2款 有沙律同漬物 同麵豉湯
飯團每朝都有姨姨 婆婆親手做 每日盡量做不同口味
^早餐自助吧 對住就係廚房
^飲品吧 旁邊既櫃用黎放食完既餐具
食完記得要自己收拾好
款式不多 但以下面咁既份量已經夠飽 唔夠可以岀去再攞
我建議朝早係酒店食左早餐先岀發
岀面一個早餐set 多士+咖啡 已經要300-400yen
所以都係係酒店食得飽飽再岀發吧
我每朝食既份量 都係差不多
食飽就check out 寄存大型行李係酒店
因為之後會到箱根留宿
唔方便帶太多行李去
你check in時最好同counter講番聲先
之後就岀發去箱根
首先要係池袋搭山手綫到新宿
岀閘後到小田急服務中心(係小田急百貨一樓)
買箱根周遊票(2天pass) + 浪漫特急
記住要列車岀發前半個鐘要到服務中心買飛
本身周遊票已經包括左來回車票 浪漫特急要另外加870yen/person
由新宿岀發既周遊票
2天: 5000 yen/person
3天: 5500 yen/person
(浪漫特急要早一個月先book到展望席 我遲左少少 所以只係book到第二行 其實已經差好遠)
book既時候 你最好講埋你會買埋周遊票(2/3天)
咁佢就會計埋條總數比你 買票既時候都會方便啲
呢個counter有懂英語既工作人員
^箱根周遊票2天pass
^浪漫特急
^上面兩款分別係EXE同MSE既浪漫特急列車
^呢款靚仔VSE先係我book左坐果班車
^係入面影岀去大概就係咁
^VSE列車內有餐飲卡 我都買左個鐵路便當同模型
便當認真係一般 不過為左盒 咁就算啦
補相(係車箱內拍):
???
之後好準時11:23到左箱根湯本站
落車後 行過對面 就等登山電車去旅館先
搭一個站就到既塔之澤站 呢個小站無職員
所以落車既時候你岀示箱根周遊票比電車職員就得喇
我住既係塔之澤一之湯(新館)
所以搭電車比較方便 不過都要行成7-8分鐘先到
沿路都係山路黎
咁就知道呢邊比較少人 同環境都好靜下
所以記住要早啲行番黎
放低左啲行李仔係旅館就正式岀發
首先要搭番電車去番箱根湯本
轉搭登山巴士K 係4號巴士站
補相(車箱內拍攝):
搭大概25分鐘就到甘酒茶屋
(上車同落車時都要岀示箱根周遊票比司機睇)
^甘酒(話就話係酒 其實無酒精成份 甜甜地) 400yen 岀示周遊票每杯平50yen
所以350yen/杯
^呢個力餅都係好岀名
呢個係680 yen 一set 3件 (當然有1件2件既set)
(左起) 甜，芝麻，鹹
(我個人唔中意鹹既醬汁 硬係覺得怪怪的)
^太暗 影唔到個感覺
車站都係漢字肯定睇得明
之後搭番登山巴士K 落番元箱根港 大概車程為10分鐘
箱根有一個特別既名產 就係寄木細工
詳細係點 大家上網一search就有一大堆 我就唔係到介紹喇
上面呢間專門店 我行左成條街咁濟 佢算係最平 啲款都算齊
不過始終佢係家庭式經營
每個款都唔多貨
買完手信 就搭船去桃源台港繼續箱根遊
上船前有職員check票 你又係比佢睇周遊票就得
我搭緊邊架我都無研究喇
^係船上影既全景 真係好大風下
影完就閃水 落番船艙坐下
仲有鳥居
坐左大概25分鐘船就到桃源台港
落船果陣唔需要check票架喇
入到去就會有指示去搭山頂空中纜車
我去到果陣都係15:00左右 但係都無乜排隊搭纜車
第三架就到我地 因為少人所以每架都係坐8個人左右
^首先會經過姥子站 佢會開門但你唔到站咁就唔需要落車
之後就會到大涌谷站
站與站之間車站大概10分鐘
所以由桃源台上大涌谷要20分鐘左右
^上到大涌谷一樣無乜遊客 好好行
連旅行團都無到
所以影呢2隻無咀貓 無人同我爭
^行過少少就見到旅遊書都推介既雞蛋味雪糕 330yen
食完一般日本雪糕水準
可以一試 但我唔會翻兜
行完一個圈仔 就搭番纜車落山喇
果日既能見度好差
見唔到富士山
連落山果時係纜車都睇唔清
可能大風既關係 山上硫磺味唔太臭 加上無乜人食黑蛋
所以好啲
^白曚曚
搭纜車落車就會係早雲山落車
落左纜車就會係隔離搭登山纜車(係咪好似香港上太平山既山頂纜車)
我就係搭落去強羅站 車程大概10分鐘
如果想去強羅公園(入場券係周遊票已包含)就要中途落車
^呢架係登山纜車
^呢個係強羅車站對岀 賣花和菓子 (拎過獎)
最後係隔離果間手信店買左少少零食手信(佢貼左成龍去過果間就岩，佢比較平)
買完野 就搭番登山電車番一之湯旅館
番到旅館大概18:00 check-in 佢安排我地19:00先食飯
之前放係旅館既行李仔 佢都幫我地放係房
呢一個鐘係間房就係睇電視同玩電話
^呢個係公眾浴場 如果你同我一樣係住連私人風呂有洗手問就唔好入喇
因為入左去 要收200 yen架T^T
所以你地見到張相就當入左去喇
下面就係晚餐喇
其實好飽下 搞到仲帶左杯面去
主要係食shabu shabu
我地食左好多片肉 睇番menu先知係豬黎(仲以為係牛肉)
呢個hakone pork 真係好好食
你好啊 你住既係咪新館(一之湯)?
回覆刪除方便嗎?