東橫INN酒店 -> 上野 -> 阿美橫町+上中 -> 池袋 -> 酒店 -> 上野 -> 成田機場 -> Tokyo ✈ HK
終於到旅程既最後一日
為左買零食手信 所以排左上野係最後一日先去
去到上野多數大家就會去掃一大堆手信
我都唔例外 零食，藥妝真係比過新宿池袋
^左邊係阿美橫町 右邊就係上中
阿美橫町主要係賣零食藥妝生果果類
上中以服飾為主
二木之菓子&松本清&百果園&志村商店都係左邊既阿美橫町
^abc mart 呢類就係上中 我都起碼行經3間分店=_="
午餐係去普通既餐廳
見價錢岩 又有番咁上下當地 人 就走左入去食喇
呢種餐廳都係要自己禁機買飛
係menu睇埋就記住個no. 係部機到咁番相應既no. 就得
拎到張飛 比廚房就ok 之後就好似快餐店咁 自己拎番碗麵番位食
咁岩間有個中國職員 所以佢幫我地買飛 ^^
價錢都ok 4碗麵(其中有個係set黎 多個飯)
Total 1950yen左右
味道一般 無乜特別
^佢地咩都加wasabi (山葵)
因為放左啲行李係酒店 因為好重 同係上野買既戰利品 想好好地擺番落行李箱到
搭地鐵果陣 咁岩有小學生放學 所以忍唔住影番張(好得意呀)
之後為左慳時間 快啲去機場買手信 (因為入閘後買野有得duty free)
就搭番車去上野坐skyliner(其實日暮里都得)
其實我住既酒店係池袋 N'EX 會方便啲
不過我之前買Suica&N'EX 套票果陣唔係買來回票
如果買單程要三千幾yen一個人
所以就轉去搭skyliner回程喇
2400yen一個人 計番地鐵車票都有賺
而且時間比較快 41分鐘就到成田機場
我地搭15:00係上野岀發
^同N'EX一樣 都係全車對號入座
^去完血拼左啲香蕉糕之後 就搭無人駕駛列車去到85號counter等上機
^回程係國泰CX505
^晚餐就係咁既野 同之前幾日差幾遠 所以番到屋企都有啲餓 不過訓覺最緊要
^應該係新機黎 同去程差好遠 呢間機個電視touch mon 黎
起碼都有得比我叉電先(果陣電話用到得番12%左右XD)
番到香港 因為落大雨 仲行雷閃電
所以實施左航空管制
無乜機可以係香港國際機場準時起飛
因而唔夠停機坪用 飛機泊左係路中心 其實都有幾架都係咁
我地唯有等接駁巴士車我地番客運大樓
好彩都好快輪到我地
我地部機算好彩 行李好快送番客運大樓
起碼有2部機既乘客 到左都無行李拎到
沒有留言:
張貼留言