有時候去旅行最頭痛或者煩惱買咩手信比啲親朋戚友
下面果啲係我覺得值得買 價錢都合理既手信
(排名不分先後)
#1柑桔果凍 (強羅車站前手信店)
係day2有大概講到個位置
自己食/手信都得
必買程度: ★★★ (買左無妨)
#2 黑饅頭 (係箱根湯本手信街 菓之花)
係day3買
呢個係試食果陣就愛上佢
好重芝麻味
不過菓子都係偏甜 所以想買比老人家 就未必適合
必買程度: ★★★★ (試食過岩就好買)
#3,4 草餅 (箱根湯本手信街 菊川)
東京好似真係微得番箱根有得買？！
行左好多小食店 零食鋪都唔見有
呢個做手信一流 價錢大概500yen一盒
味道都係一樣咁正 (不喜紅豆餡就唔好浪費彈藥係呢到)
必買程度: ★★★★★ (手信定自己買黎食都抵)
#5 泡泡染髮劑 (各大藥妝店均有售)
價錢大約在598-648 yen
適合買比自己/朋友有用開染髮劑既朋友
日本制 見到咁點都要買番盒黎用
必買程度: ★★★(到最後先好買)
#6 曼秀倫敦 AD20 軟膏 (上野松本清)
呢個藥膏相信好多媽咪都會係日本必買既用品之一
其實都唔平架 呢個70 g要999 yen必買程度: ★★★★★(呢個見到就好買 唔係到到有得買)
#7 Tokyo Banana (特別版) (機場免稅店/東京站/skytree 有售)
我覺得買番到做手信 就最好買特別版
因為價錢真係差好少
必買程度: ★★★★(送比親朋戚友就至岩)
#8 Royce Fruit Bar Chocolate (機場免稅店有售)
呢個就係仲有啲散銀 想用左佢 就買左呢個都值得推介既朱古力條
價錢相對香蕉糕，蜂蜜蛋糕平 一盒8條 630 yen左右(希望無記錯)
必買程度: ★★★★
#9 抹茶芝士蛋糕 (新宿林屋茶園)
本身好似池袋西武都有間分店
不過新宿岀名啲 所以去番新宿食
呢個基本上好難帶番黎做手信 有效期得3日
所以買黎自己食 呢個芝士蛋糕頭一兩啖都仲有抹茶味
之後就會覺得番芝士果種香滑
都唔平下 不過物超所值
如果afford唔起 咁就淨係去食佢地果綠茶雪糕都好 (激讚！)
必買程度: ★★★★★
#10 福袋 (機場未入閘前 4樓)
如果有 大家不妨買番個
做手信咩都好
因為都抵下架 唔一定係機場 係街到見到岩就好買
必買程度: ★★★
^呢個係精品福袋黎 2100 yen 數過有超過20樣野
#11 零食福袋 (志村商店)
呢個1000 yen零食福袋係上野阿美橫町都算係有啲名氣
個店員都對我都算唔錯 好多都係比較大牌子 多數係森永
係左下角 係你地無睇錯 係Lindt朱古力
當我番到屋企果陣 見到咁 好後悔無買多包T^T
不過佢執先有問我係邊到黎
佢係咪知道我係香港人之後係咁放朱古力落去呢………
演技呢樣我無刻意去做 只係佢自己收手
跟住又放多左一包落去 其實我都唔知佢放左啲咩野落去
必買程度: ★★★★★ (手信一流，完全唔使再點執)
沒有留言:
張貼留言